கல்வாரி மலை மேலே எந்தன்
கர்த்தர் நின்றாரே !
மரசிலுவையின் மேலே அவர்
மரண எல்லையில் நின்றாரே !
முடிசூடா எந்தன் இயேசுவின் சிரசில்
முள்முடி வைத்தனரே !பிரம்பால்
மூர்க்கமாய் அடித்தனரே !
கருணை நிறைந்த கர்த்தரின் முகத்தில்
காரி உமிழ்ந்தனரே !தோல்
வாரினால் அடித்தனரே !
இரக்கம் கொண்ட ஆண்டவர் கை கால்களில்
இரும்பு ஆணியை அடித்தனரே ! குடிக்க
கசப்புக் காடியை கொடுத்தனரே !
பிதாவே இவர்களை மன்னியும் என்று
பிராத்தனை செய்தாரே !சாந்த
சொருபமாய் நின்றாரே !
என்னை நினைத்தருளும் என்ற கள்வனுக்கு
பரலோகத்தில் இடமளித்தாரே !அவன்
பாவத்தை மன்னித்தாரே !
என் தேவனே எனை ஏன் கைவிட்டீரென
ஏக்கமாய் அழைத்தாரே !தன்
ஜீவனை விட்டாரே !
கவிஞர்
கவி தென்றல்
ஆவடி , தமிழ்நாடு .
நண்பர்களே ! உங்களுக்காக நான் எழுதுகிறேன் .
எனக்காக உங்கள் கருத்துக்களை எழுதுங்கள் ..
No comments:
Post a Comment